講真，而家睇就好多封套都好騎呢，哈哈。。。《暴風女神》個套小弟覺得幾好，唔係passport concept，而係幅相。全白可能係好過玩 passport底既，何況passport相又點會咁影。

講下相。。。真係唔知雞先定蛋先！其實要密雲變藍天，今時今日既ps好易做到。reborn 個套，連alan skin tone都好 low sat. 原來大碟應該film相，一樣似落左 sky blue graduated filter!

講開封套， 80 年代寶麗金的封套一直都是同行中最差，Alan 的更多數是差中之差，《精裝譚詠麟》、《遲來的春天》相片醜樣，《霧之戀》求求其其得張朦相，《暴風女神》個護照 concept 同《第一滴淚》D圖案，真係幼稚到嘔；《愛情陷阱》因為簡單大頭，算是最似樣的一張，所以，在 Alan 的碟中，《愛的根源》其實都算 average / above average 啦。同期華星 Leslie 的唱片卻因為有陳幼堅（？）操刀，水準高好多皮。

你提出《誰可改變》裡面輪流相和，真係俾陳輝陽 cut 左！我聽時總是覺得爭敢D野，你唔提起，我都唔為意原來係呢樣。

我其實買時已經打定輸數，而家有幾首OK，已經算好。

聽過下入面既歌，相當突兀下。。。

當年既大碟，小弟自己覺得比起之前既霧之戀同之後既愛情陷阱都遜色，d歌好垃雜，封套更求其。當年alan逢暑假同龍歷年出碟，暑假果隻總係好似趕出街咁。

封套相其實影得差，塊草地好怪，新版避左草地就影多左個天。小弟估佢特登淡色，好似舊碟放到褪色咁，唔係真係污染問題。

原碟d歌本質上咁垃雜，卻以碟為單位，用一致既編曲風格再造，點唔出事？

都市戀歌真係得人驚。。。

“誰可改變”本來岩晒feel，不過小弟覺得當年顧家輝既編曲已經無懈可擊，輝陽搞來只會相映見拙。當年顧家輝已經玩晒所謂既中西合壁，”誰可改變”當中用上楊琴（合成），笛，古箏，同strings相和，真係蕩氣迴腸，尤其主歌笛同strings輪流答人聲唱既旋律，一句句咁來和（即阿倫唱一句，”誰可以將..”，笛或者strings就接一句，”將光陰倒轉”，又接一句），真係好靚。就算日本碟”夏之寒風”當中日本仔再編”誰可改變”，都不及顧家輝既版本。(顧家輝幫阿倫搞既另一中西合壁傑作係快歌”楚河漢界”，精彩到不得了，加上日本仔混音，所有樂器都聽得一清二楚！)

愛的根源隻碟寫得最靚都係”愛的根源”呢隻，好脫俗，今日聽都唔覺好老土。。。雖然中間果幾下鼓聲有少小抄against all odds既手法。

呢隻reborn無令小弟買隻來留念，反而令小弟囉番隻原版來聽多幾聽。。。。哈哈

麥深：我覺得《十二金釵眾生花》效果好好，因為陳輝陽選的歌都很適合加入中樂器。但《愛的根源》卻因為有原曲在前，而且很多旋律也不太適合這樣演繹，又不配合歌詞的時代感。

說懷舊，這十年香港經歷過的起跌，對當年盛世的懷緬當然有，不過，其實就算我們小時候，大人們也在懷念五十年代的簡單童年，刻苦生活。人總會對矇矓的往事加以美化，在主觀地希望重溫。

這一張reborn的專集，給我的感覺是一個人在懷緬二十多年前的情懷，而不是想重新再當那個在沙灘上「狂呼我空虛」的小子了。畢竟，校長離二十五是有點距離了。（笑）

懷舊，的確是回歸這十年來流行文化其中一個主旋律。懷舊本身並沒有問題，但若整個社會都被這樣的氣氛籠罩的話，這或多或少反映了社會覺得今不如昔，覺得昨日的風光在往後難再了。

「Once upon 的天際」…… 以前未試過這樣想，但講落，又幾似喎！

我有個老死，早前結婚時，進場時自己拿起咪唱這首歌，搞到新娘感動到眼濕濕！

大家都是同一個時代的人啊！