你還聽我嗎?

DSC00001最近上下班的車程都一直在聽 Podcast ,CMM 的幾個頻道「街坊茶樓」、開台的「影畫春秋」等等,前兩者的錄音和主持水平都已經非常專業,接近電台水準了;至於後者,雖然常常在公眾地方錄音,背景噪音很多,但由於內容豐富,對電影的評論辛辣,我竟樂此不疲地每星期都聽這個彷彿令我的車廂變身餐廳╱酒樓的節目。

自己做 Podcast 不經不覺已經差不多一年半了,形式方面,近一年已經定形。不過最近一兩個月與之前比較,聽眾的回響甚少,令我有點懷疑,是不是大家都轉聽比較專業的、電台節目形式的 podcast ,我這種個人自家製作沒有人聽了呢?但翻查一下網站紀錄,一至三月的三個 mp3 podcast 檔案,都有三四千個點擊,而下載的流量,每個 podcast 檔案總計都超過 4GB,以我的 podcast 大約 3-4MB 計,每集聽或下載的人次應該超過 1000 ,大家聽過之後,真的沒有甚麼可以說嗎?真的沒有甚麼關於內容、形式上的意見可以給我嗎?

隨著上述那些電台節目形式的 podcast 越來越多,像我這種個人化,依存於網誌,或作為網誌的延伸這類 podcast 反而越來越少。粵語 podcast 鼻祖「豬欄」近半年只推出過兩集 podcast ,而和我差不多時候開始做 podcast 的公園仔Sidekick ,07年以來的節目,不是轉播座談會,就是重溫網台或電台的節目,差不多完全沒有自己的所見所感,跟他們最初做的那些 podcast 的形式分別很大。而去年九月才開咪的星屑醫生更加因為被 CMM 羅致了,似乎不會再做自己 blog 的 podcast 了。

誠然,星屑醫生與嘉琳做的「醫生會伊人」非常專業,內容十分吸引,對答如流,彷彿就像在聽電台廣播一樣。但我似乎不會再聽見最初星屑醫生那比較粗糙的,有如老朋友跟你詳談那種形式的內容了。

個人覺得,專業電台式的節目當然好聽,但個人化的 podcast 亦有其存在價值,情形應該就好像雜誌網站 vs 個人 blog 一樣,可以並存。個人化的 podcast ,作為 blog 的延伸,可以讓 blog 的讀者更了解 blog 主的想法,令大家的印象更加立體。例如國語的「黑米公主」 ,就是十分個人化,更新頻密,但吸引力極強的 podcast 。似乎粵語 podcast 界,還沒有人做得到。還是,「或者有,我唔知」呢?

不知大家的想法,是否與我一樣呢?歡迎在這裡討論,如果大家有聽過好聽的個人(非名人) podcast ,也希望推薦一下。最後,再次呼籲,各位聽眾如果對我的 podcast 有任何意見,請多多發表吧!


延伸閱讀:
《車, 有甚麼好聽?》—星屑醫生
《自由和多元的Web 2.0》—公園仔

30 Comments Add yours

  1. 星屑醫生 says:

    我倒沒想過放棄做個人的MINI 3分鐘. 說忙當然是借口…
    哈, 至少為了你, 我還是要做的. 其實我自己好喜歡你那種個人化的分享. 一個人做和對答不同, 感覺其實隨心隨意, 悠閒安逸得多.

    在這裡向你說聲謝謝.

  2. pig says:

    我要搬完晒屋同完成晒針炙療程先會再做翻。呢排講野都無氣,又出唔到街,好難做到podcast/videocast。

  3. 公園仔 says:

    棧主,讀著你這篇,令我很想再做一次比較個人也比較即興的 Podcast 。

    你的 Podcast 我一直有聽。只是往往是出街後一段時間才聽,好像涼了的茶就沒有找會舊 post 留言了。早陣子看了電影選映的 Jindabyne ,就找回你的舊 Podcast 再聽一次。

    Blog/Podcast走大眾路線,與主流的報刊專欄/電台節目的風格趨近是大勢所趨吧。網絡作為個人可以自主的媒體,可貴之處是自由度和多元性,個人博客/播客應該在這特點上多發揮,否則的話,不如直接擁抱主流媒體更實濟。

  4. arthurson says:

    樓主 , 其實我好鐘意聽你講故仔嫁 , 之但係一個月先有幾分鐘聽 , 實在太少啦 , 完全唔夠喉 …
    而星屑醫生 / 街坊茶樓 / 黑米公主 , 我都有追開 , 尤其黑米公主 , 簡真係我偶像.

  5. 星屑醫生 says:

    回應公園仔,
    願聽你說多一點關於那自由度和多元性的意見… 我也想多點那方面的發揮, 我覺得要做得更有個性, 才如你所說的更有賣點. 無奈我常是個很大路的人.
    市面的某些路線卻主要是挑戰尺度, 卻不是我所喜歡的, 你要我說, 我也說不出粗話.

    不過話說回來, 好一點的錄音技術, 和與幾路播客聚集起來~即所謂「埋堆」的做法, 也不代表不再獨立了.

    有時想, 玩podcast 是不是地下玩意? 網台倒好像有點地下feel, 像自己夾band 那種地下樂隊?

  6. 林子揚 says:

    推出 podcast 平台,其實是有原因的。其中一個更是為推廣 podcast 這玩意,做一個「好聲」多節目平台,讓新接觸 podcast 的朋友,一按:「姨,水準幾高wor,不如再找下真他本地 podcast…」。有時間再詳細講。

  7. Stannum says:

    星屑醫生:原來還會做啊?真好呀!我見你幾個月沒有更新和推出「醫生會伊人」,就想當然地以為你不做了,真不好意思。要是你不說,我差不多 unsubscribe 啦!

    又:回應你回應公園仔,他似乎沒有「埋堆」就不再獨立的意思吧?

    Pig :有讀你的 blog 和 聽吹水園地,知道你忙和不太舒服。拉埋你一齊講,因為07年突然間聽開的粵語 personal podcasts 都好似約埋一齊唔更新咁。

    公園仔:期待你的新 podcast 呀!很同意你說關於自由度和多元性的特色。Podcast 節目趨近電台形式,我想不一定是大勢所趨,因為 podcast 是超窄播,電台的節目是經多年實踐以大眾為對象的廣播形式,現時 podcast 的發展仍以免費和非商業為主,內容不用以收聽率為主導,有空間可以發展出一種與主流媒介不同的形式,亦可以只包括一些吸引小眾的內容。

    arthurson :多謝捧場!原來一個月一次太少?唉,近兩個月大家對內容無乜反應,我以為可以慳番唔駛再做添。你覺得做幾密好呀?

  8. Felix says:

    Comment 嘛 , 我覺得香港的受眾不少,但大部份人把 podcast 作為娛樂消費的一部份 , 而香港人的娛樂一貫不注重 feedback, 好就聽唔好就唔聽。另外 , 香港人生活太忙 , 正如今日報紙引街工調查 , 部份人忙到連做愛都冇時間 ,feedback? 太花時間啦 …

    至於 podcast 的制作 , 專業與否實在不太重要,當然,最少要求如音量適中、音質不可太差、廢話爛gag不可太多等都要盡量做到,因為無人要花時間聽廢話。我自己比較freeform,完全因為我想節目泥土味重一點,亦因為後期制作太花時間(我好懶…)

  9. Stannum says:

    子揚:這一篇絕對無反對設立平台的意思。

    你見我 subscribe 晒 CMM 各頻道就知我日日捧場啦。

    唔知你內容方面,有無考慮過做 D 更加個人化,blog 化既頻道呢。因為優匯、同人唔同行形式十分類似,都是訪問節目,而日本瘋程嘩同醫生都係有 theme 既清談節目,全都是電台式的。唯一 podcast 做得到而電台做不到的,很可能是與 blog / bloggers 的共生,如果找到一些比較出名的 blogger ,以個人形式做節目,可能會殺出一條新路。

  10. Stannum says:

    Felix :我又無從大家忙到無時間 feedback 這個角度想,各大 blog 的文章每篇留言數以十計,各大 forum 每天充斥對媒介節目的評語。一句電視對白,例如邊個係人邊個係鬼,可以立即成為金句,幾日之間 google search 出八十幾萬,大把人有時間打字出 feedback 嘛。

  11. 古思哲 says:

    棧主,近來事忙,你最近寫的小說和最近兩次播客都沒有細讀和細聽,連自己寫東西都懶了。但我很快就考完試了,一定會慢慢再讀和再聽你最近的新作啊!

  12. 公園仔 says:

    文不對題的寫了點感受,其實也不是很清晰的意思:
    http://blog.age.com.hk/archives/595

  13. Stannum says:

    思哲:畢業考試要緊,努力吧!考完有空來看來聽,這些都仍會在的!

    公園仔:赤足行山的比喻不錯呀!已在文章增加延伸閱讀的連結。

  14. sidekick says:

    我不嬲都話自己唔多鍾意聽 podcast, 更唔會用佢 o 黎代替電台節目 , 因為兩者都唔覺得好好聽 . ( 雖然咁講好 harsh )
    其實我連電視都少睇嘛 , 所以全世界都不要以為我輕視 podcast, 尤其, 我最近連交通時間都不多.
    會聽某些人做的podcast, 說穿了, 是因為”人”的關係. 例如你, 會喜歡聽你用聲音表達些甚麼. 你做得pro 唔pro, 已經係另一回事(當然, 如果你做得太爛, 我會唔聽; 但做得太pro, 節目內容已經跟”個人”離得太遠, 表現太專業, 我都會唔聽)

    所以當時都會聽林子揚做podcast, 到早陣子堆訪問, 即時冇興趣.
    而家? 我唔知佢仲有冇做podcast喎! 因為我唔係用itunes 訂, 佢個blog 唔講, 我就唔會知o架喇. d podcast呀, video podcast全部甩晒.

    是的, 我是沒有聽podcast需求的人.

    你o係文度提我. 其實, 我個podcast不嬲都係冇定向式, 凡文字圖畫不適合表達的, 才會做podcast.
    根本就唔多喜歡自己把聲, 又唔係好鍾意自說自話, 冇乜事都唔會想做podcast. :p

  15. sidekick says:

    唔記得講 , 聽 podcast 留言係一件好難 o 既事 , 最非你一路聽一路 mark 低 d 留言 , 否則就會唔記得想講乜 .
    所以留言少係正常到爆o既事.

  16. etranger says:

    Just to say hi and tks

  17. sputnik says:

    哈, 我也是最近少留言的一個呢(不管是不是podcast).

    生活很忙是真的, 常常在工作時間榨乾了精神, 回到家看的blog見長的都keep new. 工作時間聽電話多, 空閒時都不想有東西在耳裡塞 (因為要用headphone), 通常都是等到有聽的慾望再找回聽.

    另一方面啦, 我相信不少像我這種人, 平時搭車時雖然都聽歌, 但是就邊聽邊爭取時間睡多一會, 所以我也沒有放podcast在mp3的習慣, 免得聽了一半就睡著, 而且, 一邊睡一邊有聲音在說話, 睡得可能不好…

    很坦白的留言, 別見怪啊! 😛

  18. Stannum says:

    Sidekick & Sputnik :Podcast 未必人人都喜歡聽,這是事實,尤其如果唔係用 ipod / itunes ,訂又未必方便,而且老實,真正好好聽的 podcast 不多。不過,我對 podcast 的需求肯定比你們多,你們一扭開收音機就源源不斷有粵語節目聽,我呢度無嘛。

    Etranger :謝謝你捧場!

  19. 遲就是遲了一點,但我想回應:我還在聽你!

    你那把磁性聲音,讀起故事來,唔知點解,連身為男士的我,也暈得一陣陣!:P

    近來對Podcast的討論,我不想參與,我只本着「只要我努力地做,就會有聽眾收聽」.就算只是得很少很少的聽眾,但在製作Podcast的過程裏,我已找到我的快樂、我的滿足.

    但話得說回來,老老實實,Stannum兄你的產量確實比較少,總有點吊癮的感覺.有時間的話,請多錄幾個節目.

  20. Stannum says:

    PC168: 多謝捧場呀,真係想聽多 D 呀?如果做密 D 但係短 D ,OK 嗎?

  21. 當然好啦,不過唔好cut咗小說獨白環節喎! 😛

  22. Green Rabbit says:

    其實我都有收聽,但未必每次一下子聽畢一整集。你提及《香水》、《瑪麗皇后》和Baron Haussmann那段我覺得好有趣呢!有機會再與大家分享一下吧!

    棧主在說,我們在聽。

  23. 陳振聰 says:

    亞Side噏大姐,你問”cmm 想做一個平台, 何不也撥出頁面, 收錄香港podcast directory, 及做綜合聯播?”

    Side噏就易!學你話豬欄已經有directory,何苦要人在有限的資源下再做重複的東西,真係Side~噏完之後夾多件Side~Gas!

    有心聽podcast,無論google一下“香港podcast”抑或 “hong kong podcast”,都能 輕易在首頁找到豬欄的Podcast目錄,真的不知你如何噏得出豬欄 “這個link 也少人知道.亦聚不了人.”這個結論。

    起碼我和我的朋友都是看豬欄的節目更新,這是事實。

    至於你要cmm做綜合聯播?!Side Gas 啦!林子揚都說出了自己的理念,就算有能力都係做好佢果個平台先啦,做得好都做叫推動香港Podcast,唔一定下下都要做D大樹菠蘿綜合聯播先叫做到野!

    作為一位Podcast聽眾來說,其實林子揚、豬欄、與一眾今時今日仍然孜孜不倦努力做Podcast的各位大大,真是要說聲謝謝。

    可惜這位Side~噏大姐,自己做緊的Podcast正正是”一個求求其其又悶又不好聽的節目“,這不重要,反正差的Podcast多她一個不多。

    重要的加最麻很煩的是,她恃仗人氣Blogger之勢,在一些Podcaster的地盤話”我不嬲都話自己唔多鍾意聽 podcast“。
    再將自己的小人之心當作全世界標準,亂下判斷說”大部份podcaster
    做podcast 之餘, 不太聽其他podcast. “。
    然後又噏”如果你做得太爛, 我會唔聽。。。。表現太專業, 我都會唔聽“,哈哈,都真好難有野o岩你聽。
    Side~噏姐更厲害的是一方面就” 我唔知佢仲有冇(林子揚)做podcast喎! “,又話”我是沒有聽podcast需求的人.“,卻要求林子揚又directory又聯播,人地唔做又感慨嘆曰求人不自私云云,唉,真是無話可說。。。。

    豬欄就”全力推動香港podcast!”,Side~噏就”全力推冧香港podcast!”
    另附空廢陳言絕詩一首:
    “有時, 我會想,
    要求他人不自私, 亦可以是一個自私的想法.”
    ”有時, 我會想,
    要求他人不勇於駁斥Side? 的謬論,
    亦可以是一個很勇的想法!“
    係咪,
    覺得,
    我,
    好很勇呢?

  24. sidekick says:

    如果冇估錯, 睇怕阿 ” 陳振聰 ” 你係大字人啦 ~ 一個唔用自己名 , 又唔識稱呼他人 o 既人 …
    答 o 左你喇 , 你自己去睇 o 下啦 ~ 🙂
    一些關於podcast 的討論

  25. 陳振聰 says:

    先來個題外話。

    – Sidekick 說 :” 如果冇估錯 , 睇怕阿 ” 陳振聰 ” 你係大字人啦 ~ 一個唔用自己名 , 又唔識稱呼他人o既人!”

    大聲唔代表無禮貌;大字唔代表無道理。
    陳振聰係我的網名,有何問題?你老豆老母夠改o左個名比你又唔用用sidekick?!雙重標準耶?

    至於稱呼閣下為side~噏,非不識、乃諷喻。可能閣下只準別人肉麻骨庳地稱呼sidekick為小踢,而不許別人諷喻一個齋噏唔做的人為side~
    噏,又是雙重標準耶?
    題外話,完。

    回到正題,
    – Sidekick的回應:”係,我認.你罵得對啊~但,如果要拉番開件事,如果要推動香港podcast,那麼,podcaster可以做些甚麼,
    這是我的疑問,你又有何高見?”

    我只是一個聽眾,不能答你podcaster可以做甚麼推動podcast,但我認為林子揚今次的做法不錯。

    – Sidekick又問:”回歸基本問題,對於推動podcast,你有乜o野建議?”

    閣下一不認自己是podcaster二不聽podcast,卻又喜歡對香港podcast說三道四,指手劃腳,有趣,有趣。但閣下再三問的又係果個問
    題,好,照答。

    建議一:出少句聲當幫忙。
    打過比喻,阿林生開了一間賣性用品商店,一個過了更年期的老處走入來鋪頭問對於推動性文化有乜o野建議,阿林生只好講:唔該你唔好得閒無事係我門口大
    叫—我—無—性—需—要。

    建議二:唔好又乜又七。
    人地鐘意做乜,想做乜,點做,你有意見無問題(全心玩野攪局的意見另計),但係唔好人地唔跟你意見做,就即刻又乜又七又很難不自私云云,於事無補仲攪到
    個場灰哂。

    建議三:人人做一步。
    正如Felix說要做,就只能由自己做起。作為人氣blogger咪得閒介紹下香港podcast囉,起碼都有千幾人睇啦,咁簡單仲問人?
    其他人如識得傳媒中人咪學Vivien有機會就sell下podcast,有心用兩個星期整directory咪去整,就算好似我咁人輕言微都唔緊要,
    照樣努力同多幾個親朋戚友同事介紹下Podcast。人人做一步,做到咩咪做咩囉,起碼點都好過指指點點,齋講唔做。

    – Sidekick說:”另,Tony,我都說了,我少聽podcast.不知你在聽哪些香港podcast,有否心水推介?可否分享一下?:)”

    o下,你問我?好,我又照答。逸記又怕是你口中太爛的節目,CMM你又話人堆訪問即時無興趣,牛醫生有內涵但你又話粗口太多頂唔順,moShow你又會
    否嫌否太pro太專業呢?抓爆頭了,呢樣野,真係幫你唔到。

    另,各位大大,可能我一路都係呢種語氣溝通,但其他人唔知,就以為係燥呀。

    另另,Felix,我唔係針對人,只不過係”有人針對人”呢件事,同埋表面上扮哂指揮兼且實際想全力推冧Podcast果件事。

  26. Stannum says:

    PC168 :當然唔會取消小說獨白啦,龍頭環節嘛!

    Green Rabbit :謝謝收聽,很想說說建築的東西,但要適合用聲音演繹的,不容易找呢。

    陳振聰:同子揚一樣,我也不知如何回應你。

  27. 收買佬 says:

    “大樹菠蘿 綜合聯播”

    好押韻.

  28. Ryan says:

    首先感謝你對我們《影畫春秋》的包容,每周仍「樂此不疲」地收聽我們這個節目。我們的節目,不經不覺差不多一百集,而節目絕大部份時間,都是在cafe錄音。

    看了你的原本,看到有時做事途中所面對的迷惘。

    做podcast跟很多事一樣,也許要先付出的,而且,很難求回應。但是本著這個慨念,就跟汽車般燃燒汽油一樣,總有用光的時候。

    網上傳播跟到Web 2.0階段,但是收聽節目總感覺是單向的,故此很易出現留言不多的情況,製作人及參與者也不用為此介意。

    到底何謂專業?這個很難地說,因為每個製作人每每因為自己的資源所限而作出取捨。舉例說,《影畫春秋》聲音質素已是既有問題,也許有人問曾否想過或試過改善。實際情況是,我們也有取捨。倘若我們真的在專業地方錄音的話,也許節目也不像現在那樣。

    反而,那一份堅持十分重要,不要單看留言或下載,也不要想獲羅致與否。每件事,總是要先做好自己的。個人化節目能暢順地表達己見,也是專業的一種。

    「做好自己」四字知易行難,不過也許在製作節目上也適用。

  29. Stannum says:

    Ryan: 謝謝你來一起討論。在專業地方錄音,可能得不到同樣的效果這一點,我真的沒想過呢。想想看,這也真的有點道理,因為你們的討論是很自由,並不顧忌批評誰,就像朋友看完電影後的飯局一樣。如果進入錄音室錄,可能會不自覺地多了顧忌。

  30. 陳振聰 says:

    嘩,街坊茶樓今期訪問果個至紅員工係唔係我o黎o家,係就開心死。 就算唔係都唔緊要,因為聽完笑到果肚好鬼痛。街坊茶樓真係越聽越正,上次心水茂利推介唔記得o左添,不過推都無用,因為你地又專業,又接近主流,又唔個人化,又唔似Audio Blog,完全唔合格。

    嘩,林子揚,你又開多個新蘋果台,唔o岩我,不過都會推比D Mac友聽。

    嘩,又係林子揚。正當Side~Up話自己”都唔鍾意齋講唔做“之際,又話緊o係自己blog 瑟縮一角o既my links頁面有放香港podcast大樹菠蘿聯播又突然後來冇再放之時,阿林子揚你星期一又唔聲唔聲係“全港讀者人數No 1電腦數碼雜誌”內,寫番篇“主流vs非主流”推廣Podcast的文章,雖然有一稿兩投之嫌。不過我奉勸一句,你咁做實在太“子揚”啦,唔怪得之 Side~Up係都要針對你,明明講緊自己十萬唔講得神秘計劃,無那那都要突然提要起“ (正如林子揚可能都有其他計劃, 但未公佈一樣)”。十足十分o左手既女仔,一方面成日又四圍同人話自己大把人追,又鐘意同人講唔會緊張ex,但實情就係又成日心掛掛,逢人就問ex係咪有新女但係未拖出o黎,好好笑。

    嘩,Side~Up姐(見過閣下玉照其實應該叫姨都得),原來你萬七個唔講得的X計劃,真係失覺哂,咁我就拭目以待。不過阿蘇絲黃記得講過,鐘意食野,先會煮到好野食。嘩,題外話,原來稱呼話一個齋講唔做攪事攪局的人做Side~Up會比人反客為主入罪番轉頭為無禮貌。同樣道理,以為大家都不要稱呼裝人裙底者為咸濕佬, 賣國求榮者為漢奸,老懵董為非典型廢柴等等等等等等,因為大家會比番呢班咸濕佬、漢奸、非典型廢柴等等等以至Side~Up者話番轉頭你無禮貌,哈哈!

    剷Q完D時光隧道,見樓上都仲有D人咁有心機討論,我都比番兩錢意見。

    作為一個每日都要坐成幾粒鐘車為口奔馳,聽Podcast隨時多過你齋噏的聽眾來說,Overall,記住係Overall的廣東話 Podcast都係水平以下,甚至唔怕得罪講句如樓上阿邊位唔識笑話齋係sound pollution,所以你再攪得多無料Promote又係必死,正所謂“There is only one thing that can kill a product faster than bad advertising, and that’s good advertising for a bad product. ”

    至於聲音質素方面,我又唔係真太高要求,反正坐車都嘈。但係又學樓上阿邊個邊個話齋,想繼續聽落去你都要比我聽到講咩先啦。一有香港新 Podcast,我點都會去聽下當做支持,但真係好多時一次生兩次熟三次大結局,剩餘可以繼續聽得下都係CMM,街坊茶樓,牛醫生,餘弦棧,MoShow 之類。

    係大陸果邊見到食店有句說話,“一次不來你的錯,兩次不來我的錯。”改一改就好o岩比你地班整Podcast的作為參考,“一次不聽你的錯,兩次不聽我的錯。”

    至於大大大樹菠蘿要整o既Directory係咪咁有迫切性呢?今時今日,唔計港台網台,係豬欄個podcast show update一個禮拜有多幾新podcast,隨時十隻手指數得哂。嘥氣!

Leave a Reply

Your email address will not be published. Required fields are marked *